Skip to main content Skip to page footer
Urubuga rwemewe rwa Leta y’u Rwanda
[Translate to Kinyarwanda:] LODA Logo

Kurengera Abatishoboye

Nka rumwe mu nzego zishyira mu bikorwa gahunda zo kurengera abatishoboye, LODA igira uruhare rw’ingenzi muri gahunda mpinduramatwara y’igihugu mu rwego rw’ubukungu n’imibereho y’abaturage, mu buryo bugizwemo uruhare n’abaturage bugamije kurandura bukunene bukabije no kugabanya igipimo cy’ubukene.

Kurengera abatishoboye

Nka rumwe mu nzego zishyira mu bikorwa gahunda zo kurengera abatishoboye, LODA igira uruhare rw’ingenzi muri gahunda mpinduramatwara y’igihugu mu rwego rw’ubukungu n’imibereho y’abaturage, mu buryo bugizwemo uruhare n’abaturage bugamije kurandura bukunene bukabije no kugabanya igipimo cy’ubukene.

Inshingano yacu nyamukuru ni uguhuza ibikorwa byose bijyanye n’ishyirwa mu bikorwa rya Gahunda y’Igihugu yo gufasha abaturage kwivana mu bukene mu buryo burambye harebwa uruhare rw’abafatanyabikorwa batandukanye (abaterankunga, uturere, imiryango itari iya Leta); ibi bikaba bigamije gufasha ingo zibayeho nabi kwivana mu bukene.

Twibanda ku ishyirwa mu bikorwa rya gahunda z’uburengezi n’iz’iterambere ry’imibereho, hamwe no gutera inkunga imishinga y’iterambrere ry’abaturage n’iry’ingo. Muri gahunda zo kurengera abaturage, LODA ifite inshingano zikurikira:   

  1. Kujyanisha ibikorwa n’inshingano by’inzego zitandukanye na politiki yo kurengera abatishoboye (uburyo bw’imiyoborere no guhuza ibikorwa, gahunda y’ibikorwa ihuriweho,  gushyiraho amabwiriza no guhugura abakozi);
  2. Gutega amatwi  abafatanyabikorwa no kubafasha uko bikwiye (abakozi b’urwego rw’Umurenge & Akagari, Abajyanama b’Imibereho myiza n’Iterambere, amasezerano yo kwivana mu bukene);
  3. Ishyirwa mu bikorwa rya Gahunda y’Icyerekezo Umurenge (VUP), ikubiyemo inkingi z’uburengezi, izo kwiteza imbere, ndetse n’ubundi buryo bwo kwita ku batishoboye;
  4. Ishyirwa mu bikorwa ry’imishinga y’Ubudehe, yaba ihuriweho n’abaturage bashaka kwiteza imbere ndetse n’umuntu ku giti cye;
  5. Guharanira ko ingo z’abatishoboye zihabwa serivisi nyunganizi (binyuze mu Bajyanama b’Imbibereho myiza n’Iterambere, imiryango itari iya Leta, n’abandi bafatanyabikorwa babegereye).
  6. Gufasha mu gushyiraho uburyo buboneye bufasha abatishoboye kwivana mu bukene (ibikorwaremezo, amasoko, imihanda, amashanyarazi, n’ibindi);
  7. Gukurikirana ibikorwa, kwigira ku byahise no kugira uburyo bw’imicungire y’imishinga ijyana n’ibihe.